Ek daayra hai jo
main baar baar langh deta hu
Main uss se har baar
Zyada hi maang leta hu
Wo deta rehta hai humesha
Main le ke humesha bhula deta hu
Matlabi sa hu main thoda
Lekin usse bematlab ki ummeedein laga leta hu
Hass deta hai wo kabhi kabhi
Par naa kabhi wo kehta nahi
Har baar chowkhat pe aa ke
Wo mujhe dekh sochta hoga
Kya banaya maine aisa?
Iss baar kya maangne aaya hoga?
Iss baar toh naa kar dunga
Par baad me khud hi dila dunga
Thoda tadapne do isse
Shayad ab ki baar hadd me aaya hoga
Par ek daayra hai jo
main har baar laangh deta hu
Main uss se har baar
Zyada hi maang leta hu
No comments:
Post a Comment